Dulantziko Mitxoleta Libertarioen 19. saio honetan, Ainhoa Ezeiza esatariak El Salto Diario egunkariko El Sacapuntas blogean (Twitterren: @El__Sacapuntas) argitaratutako artikulu hau azaldu eta komentatuko du:
«El ministro Castells: el tecnócrata hippie y sus planes neoliberales para desmontar la Universidad pública»
Hemen irakur dezakezu artikulu hori euskarara ekarria (eskerrik asko baimena emateagatik!):
http://www.ehu.eus/ehusfera/komunikatzen/2020/06/07/castells-ministroa-teknokrata-hippiea-eta-bere-plan-neoliberalak-unibertsitate-publikoa-desmuntatzeko/
Egindako analisi eta kritika guztitik, irratsaio honetarako, hiru ideia ekarri ditugu:
- 3+2 aukerari ateak zabaltzea: 3 urteko graduak+2 urteko masterra, oraingo 4+1 antolaketaren aurrean. Errege Dekretu berriaren zirriborroan, aukera hori zabaltzen du, orain arteko 240 kredituko graduez gain, 180 kredituko gradu berriak egin ahal izateko. Horren kontra borrokatu zen Wert Legearen garaian.
- Dual aipamena: zirriborroaren arabera, Errege Dekretu berriak aukera hau arautuko luke, eta graduaren % 25-50 tarteko kredituak egin ahal izango dira unibertsitatearekin hitzarmen-markoa egindako enpresetan. Horrek prekarietatea areagotzeaz gain, unibertsitatea enpresen beharretara makurtzea eragingo luke.
- Unibertsitatearen digitalizazioa: ikasketen parte handi bat edo osoa ere online izatea, UOC ereduari segiz, irakaskuntza prozesuak pobretuz eta irakasleen lanpostuak prekarizatuz, teknokraziara edo irakasgaien kudeaketa hutsera bultzatuz.
KREDITUAK
Sintonia: Mitxoleta – Eneritz Furyak
Musika:
Nire bala – Haizea
Kapitalismoak – Gontzal Mendibil eta Xeberri
CC-by-sa-nc lizentziapeko programa, musika izan ezik. Hezkuntza helburua duen erabilera.